"Реал" бош мураббийи Альваро Арбелоа "Сантьяго Бернабеу" стадионида Флорентино Пересга қарши қичқириқлар янграгани юзасидан яна бир бор фикр билдирди.
"Я яқинда айтган гапларимни такрорлайман. Клуб тарбияланувчиси, собиқ футболчи ва мураббий сифатида мухлисларни жуда ҳурмат қиламан. Улар ўз фикрини билдиришга ҳақли. Аммо ҳуштакбозлик "Реал"ни заифлаштиради. Мен "Реал"ни заифлаштиришга қаратилган кампаниялар борлигини биламан. Уларни кимлар ташкил қилаётганини ҳам биламан. Мени алдаш қийин", — деди Арбелоа матбуот анжуманида журналистларга.
Сешанба куни, 20 январь санасида, "Реал" Чемпионлар лигасининг умумий босқичи 7-тури доирасида уй майдонида "Монако"ни қабул қилади.
