"Real" bosh murabbiyi Alvaro Arbeloa "Santyago Bernabeu" stadionida Florentino Peresga qarshi qichqiriqlar yangragani yuzasidan yana bir bor fikr bildirdi.
"Ya yaqinda aytgan gaplarimni takrorlayman. Klub tarbiyalanuvchisi, sobiq futbolchi va murabbiy sifatida muxlislarni juda hurmat qilaman. Ular o‘z fikrini bildirishga haqli. Ammo hushtakbozlik "Real"ni zaiflashtiradi. Men "Real"ni zaiflashtirishga qaratilgan kampaniyalar borligini bilaman. Ularni kimlar tashkil qilayotganini ham bilaman. Meni aldash qiyin", — dedi Arbeloa matbuot anjumanida jurnalistlarga.
Seshanba kuni, 20 yanvar sanasida, "Real" Chempionlar ligasining umumiy bosqichi 7-turi doirasida uy maydonida "Monako"ni qabul qiladi.
