«Barselona» hujumchisi Rafinya Dias yangi mavsumni juda sermahsul boshladi.

Braziliyalik futbolchi La Liganing «Rayo Valyekano»ga qarshi o‘yinida dubl qayd etdi. Dushanba kuni bo‘lib o‘tgan uchrashuv «Barselona»ning 5:2 hisobidagi g‘alabasi bilan yakunlandi.

Shu tariqa, 29 yoshli Rafinya Ispaniya chempionatining dastlabki uchta o‘yinida 5 ta gol urib, 1 ta golli uzatmani amalga oshirdi.

«Barselona» bosh murabbiyi Xans-Diter Flik Rafinyani markaziy hujumchi pozisiyasida o‘ynatmoqda. Bu qaror hozircha o‘z samarasini beryapti.

Rafinya 5 ta gol bilan La Liga to‘purarlari ro‘yxatida peshqadamlik qilmoqda. U Madridning «Real» klubi hujumchisi Kilian Mbappeni ortda qoldirdi. Fransiyalik futbolchi hisobida 4 ta gol bor.

«Barselona» esa uch turdan keyin 9 ochko jamg‘argan holda La Liga turnir jadvalida yetakchilik qilmoqda. Kataloniyaliklarning to‘plar nisbati — 12:2.