«Барселона» ҳужумчиси Рафинья Диас янги мавсумни жуда сермаҳсул бошлади.

Бразилиялик футболчи Ла Лиганинг «Райо Вальекано»га қарши ўйинида дубль қайд этди. Душанба куни бўлиб ўтган учрашув «Барселона»нинг 5:2 ҳисобидаги ғалабаси билан якунланди.

Шу тариқа, 29 ёшли Рафинья Испания чемпионатининг дастлабки учта ўйинида 5 та гол уриб, 1 та голли узатмани амалга оширди.

«Барселона» бош мураббийи Ханс-Дитер Флик Рафиньяни марказий ҳужумчи позициясида ўйнатмоқда. Бу қарор ҳозирча ўз самарасини беряпти.

Рафинья 5 та гол билан Ла Лига тўпурарлари рўйхатида пешқадамлик қилмоқда. У Мадриднинг «Реал» клуби ҳужумчиси Килиан Мбаппени ортда қолдирди. Франциялик футболчи ҳисобида 4 та гол бор.

«Барселона» эса уч турдан кейин 9 очко жамғарган ҳолда Ла Лига турнир жадвалида етакчилик қилмоқда. Каталонияликларнинг тўплар нисбати — 12:2.