“Тоттенхэм” жамоаси ҳужумчиси Харри Кейн Англия Премьер-лигасининг март ойидаги энг яхши футболчиси деб топилди.
Ўтган ойда англиялик ҳужумчи "Тоттенхэм"нинг тўртта ўйинда бешта гол киритишга муваффақ бўлди. “Астон Вилла” (2:0) ва “Борнмут”га қарши (3:0) ўйинда у дубль қайд этган бўлса, “Арсенал” билан муҳим ўйинда (2:2) битта гол киритди. Айни дамда у АПЛнинг тўпуарарлар рўйхатини бошқариб бормоқда.
“Лестер” устози Клаудио Раньери АПЛда март ойининг энг яхши мураббийи деб топилди. Ўтган ойда унинг қўли остида “тулкилар” тўртта ўйиндан 3 тасида ғалаба қозониб, биттасида дуранг қайд этди.