Испания чемпионатининг 32-тури доирасида "Реал" ўз майдонида "Эйбар"ни қабул қилди. Мадридликлар бош мураббийи Зидан жамоанинг бир қатор асосий таркиб футболчиларини "Вольфсбург"га қарши жавоб ўйини асраб мақсадида майдонга туширмаган бўлса-да, майдон эгалари ортиқча қийинчиликсиз рақибни йирик ҳисобда мағлуб этишди.

Учрашувнинг 5-дақиқасидаёқ ҳисоб очилди. Жарима майдончаси остонасида белгиланган жарима зарбасини Хамес Родригес ажойиб зарба билан голга айлантирди. Танаффусга қадар "Қироллик клуби" рақиб дарвозасига яна 3 марта йўл топа олди ва бунда Роналду муҳим роль ўйнади. У ўз ҳисобига битта гол ва иккита голли узатма ёзди. Натижада португалиялик футболчи Ла лиганинг ушбу мавсумидаги голлари сонини 30тага етказди.

Иккинчи бўлимда Криштиану яна битта голга муаллифлик қилиши мумкин эди, аммо у бўш дарвозани ишғол қила олмади. Умуман олганда, иккинчи бўлимда дарвозаларга бошқа тўп киритилмади.

Ушбу ғалабадан кейин "Реал" ўз очколарини 72тага етказди ва "Барса"дан 4 очко ортда қолмоқда, "Атлетико" 2 очко олдинга ўтиб олди. Бироқ рақиблар ҳисобидан биттадан захира ўйини бор.

Испания Ла лигаси, 32-тур
"РЕАЛ МАДРИД" - "ЭЙБАР" 4:0
Голлар: 1:0 – 5 Хамес, 2:0 – 18 Васкес, 3:0 – 19 Роналду, 4:0 – 39 Хесе.
Реал Мадрид – Касилья, Начо, Арбелоа, Пепе, Карвахаль (Данило, 63), Иско, Хамес, Васкес, Каземиро (Ковачич, 54), Хесе (Майораль, 76), Роналду.
Эйбар – Риесго, Пантич, Луна, Рамис, Капа, Эскаланте, Дани Гарсия, Хота (Жунка, 46), Гонсалес (Бастон, 46), Кеко (Хайрович, 72), Энрик.
Огоҳлантиришлар: Дани Гарсия (3), Эскаланте (62), Рамис (68), Данило (79).