Бугун “Пахтакор” – “Насаф” ўйини билан Олий лигада 4-тур бҳсларига якун ясалади. Ортда қолган еттита учрашувда кутилмаган натижалар ҳам бўлди. Хусусан, “Локомотив”нинг Жиззахда очко йўқотишини ҳеч ким кутмаганди.

“Қўқон-1912” жамоаси эса бу турда мағлубиятга учради. Одатдагидек ўйинлар якунлангач, ПФЛ вакиллари учрашувларнинг энг яхши ўйинчиларини танлаб олишди. Унга кўра, 9 апрель куни Қўқондаги “Марказий” ўйингоҳда ўтказилган “Қўқон-1912” – “Бухоро” учашувининг энг яхши ўйинчилари деб – Андрей Бакланов ва Шавкат Саломовлар тан олинди.

Ҳакамлар ҳужжатидан кўчирма

Олий лига

4-тур

«Қўқон-1912» (Қўқон) – «Бухоро» (Бухоро) – 0:1 (0:0)

Қўқон. 7765 томошабин.

Ҳакамлар: Ҳ. Рўзиев (Тошкент) – 8,5, О. Абдувасилов (Тошкент) – 8,3, С. Шоюсупов (Тошкент) – 8,3, Ж. Мухторов (Тошкент) – 9

Назоратчи: С. Нажафалиев (Тошкент).

ЎзПФЛ вакили: Г. Ртвеладзе.

Гол: С. Қуттибоев (78).

Огоҳлантиришлар: О. Нурбоев (ўйиндан сўнг) – А. Филипосян (33).

Энг яхши ўйинчилар: А. Бакланов – Ш. Саломов.