Осиё чемпионлар лигасидаги рақибимиз – “Ал-Айн” жамоаси кеча БАА чемпионатининг навбатдаги 23-турини сафарда Дубайнинг “Ал-Аҳли” жамоасига қарши ўтказди ва кичик ҳисобда мағлубиятга учради.
Учрашувнинг 38-дақиқасида Эвертон Рибейронинг амалга оширган жарима тўпини, “Ал-Аҳли” жамоаси сардори - Ахмад Халил боши билан Холид Ийсо қўриқлаётган дарвозага жойлаб қўйган ва ушбу гол ўйин охиригача сақланиб қолган. Натижада Златко Далич жамоаси – “Ал-Айн” мағлубиятга учраган. Ушбу учрашувда “Ал-Айн” жамоасидан дастлаб қуйидаги футболчилар майдонга тушишди: Дарвозабон 17.Холид Ийсо Ҳимоячилар 5.Исмоил Ахмад 19.Муҳанад Салим - (11.Саид Алхатири,77) 23.Муҳаммад Ахмад Ғариб 50.Муҳаммад Фаёз Ярим ҳимоячилар 6.Флип Бастос (Бразилия) - (16.Муҳаммад Алрақи, 46) 10.Умар Абдулраҳмон (с) 13.Ахмад Барман - (18.Иброҳим Диаки, 62) 29.Ли Мюнг Жи (Ж.Корея) 70.Данило Асприлло (Колумбия) Ҳужумчи 9.Дянфрес Дуглас (Бразилия). Захирадагилар: 22.Маҳмуд Алтеналжи, 4.Саид Мусаббиҳ, 20.Ҳилол Саид, 77.Муҳаммад Фавзи. Огоҳлантириш: 5.Исмоил Ахмад 88. Ушбу учрашувдаги ғалабадан сўнг, “Насаф”нинг ўтган йилги ОЧЛ гуруҳ босқичидаги рақиби – “Ал-Аҳли” клубининг очколари сони 59тага етди ва улар турнир жадвалида пешқадамлик қилишмоқда. “Ал-Айн” жамоасининг очколари сони 53та, улар турнир жадвалининг 2-поғонасини банд этиб туришибди.
- See more at: http://fcnasaf.uz/index.php/news/view?v=2572#sthash.K1dC72Nx.dpuf
