"Реал" устози Зайниддин Зидан "Вилярреал" билан ўйиндан олдин матбуот анжуманида қатнашди.

"Вилярреал" - кучли жамоа. Денис Суарес - жуда яхши футболчи. Биз биламиз, улар ҳимояда яхши ҳаракат қилади ва шу билан ҳужумда ҳам. Мухлислар биз учун доим муҳим аҳамиятга эга. Улар ҳам билишади, биз учун қолган ҳар бир ўйин муҳим".

"Олтин дубл" ҳақида:
"Ҳозирги пайтда ҳеч нарса ютмадик. Ҳа, ҳозирча яхши холатдамиз, лекин ҳали ҳеч нарса эришмадик. Биз Ла лига ва Чемпионлар лигасини ютишимиз мумкин. Ҳозирча охирги дақиқаларгача жанг қиламиз".

Мавсум ҳақида:
"Футболчилар мавсумни яхши якунлашимиз мумкинлигини жуда яхши тушиниб турубди. Футболчилар кундан-кунга ўз устида ишламоқда".

Ла лига ҳақида:
"Мавсум якунида Ла лигани юта оламиз-йўқми буни билмайман. Ҳа, "Атлетико"га ютқаздик. Мен футболчи бўлганман ва бу мағлубиятни яхши тушуниб турубман".

"Атлетико" ва "Барселона" ҳақида:
"Биз охиригача курашамиз. Биз улардан бир очко ортдамиз. "Атлетико" жиддий рақиб, улар ҳам қолган барча учрашувларда ғалаба қозониши мумкин. Шуни айтишим мумкинки, чемпионлик учун фаворит йўқ".

"Барселона" омадсизлиги ҳақида:
"Ҳар бир жамоани ўзига яраша муаммоси бор. Уларда ҳам ўзига яраша муаммоаси бор, биз ўз ишимизни қилишимиз керак. Улар қолган барча учрашувларни ютишса, улар чемпион бўлишади".

Гарет Бэйл ҳақида:
"Бэйл "Реал" учун муҳим футболчи. У билан муносабатларимиз аъло даражада. Чунки, у жудаям оддий ва самимий инсон, испан тилини кундан кунга яхшироқ тушуниб боряпти. У ҳали ёш ва бундан ҳам кучайишга қодир".

Даниэл Карвахаль ҳақида:
"Биз ҳар куни Карвахаль ҳолатини текширяпмиз. Эртага у ўйнамайди, мен бундан ортиқ ҳеч нарса айта олмайман".

Жамоа етакчилари ҳақида:
"Бизда бир қатор етакчилар бор, улар Жаҳон ва Европа чемпионатларида тобланишган. Алоҳида футболчини ажратиб кўрсата олмайман. Мураббий сифатида мен улар билан ишлашдан хурсандман".