«Барселона»нинг бразилиялик вингери Рафинья қайси футболчини ўз жамоадоши сифатида кўришни исташи ҳақидаги саволга жавоб берди.
«Мен бир жамоада ўйнашни хоҳлаган футболчи? Харри Кейн», — дея Рафиньянинг сўзларидан иқтибос келтирмоқда Barca Universal.
Харри Кейн 2023 йилда «Тоттенхэм»дан «Бавария»га 95 миллион евро эвазига ўтган эди. Унинг шартномаси 2027 йил 30 июнгача мўлжалланган.
Жорий мавсумда инглиз ҳужумчиси Мюнхен клуби сафида барча турнирларда 50 та ўйин ўтказиб, 58 та гол урди ва еттита голли узатмани амалга оширди. Transfermarkt портали Харри Кейннинг қийматини 65 миллион еврога баҳоламоқда.
