Испания Ла лигасининг 34-тур доирасида "Риасор"га ташриф буюрган "Барселона" рақибни "янчиб" ташлади. Каталонияликлар "Депортиво" дарвозасига жавобсиз нақ 8та тўп киритишди.

Луис Суарес "покер"га эришиб, Ла лигадаги голлари сонини 30тага етказиб олди. У Криштиану Роналдудан 1та гол ортда қолмоқда. Меҳмонларнинг қолган 4та голига Ракитич, Месси, Бартра ва Неймар муаллифлик қилишди.

Луис Энрике шогирдлари ушбу ғалабадан кейин руҳан ўзларига келиб олишди. Жамоа Испания чемпионлиги учун курашни давом эттиради.

Испания Ла лигаси, 34-тур
Депортиво – Барселона 0:8
Голлар: 0:1 – 11 Суарес, 0:2 – 24 Суарес, 0:3 – 47 Ракитич, 0:4 – 53 Суарес, 0:5 – 64 Суарес, 0:6 – 73 Месси, 0:7 – 79 Бартра, 0:8 – 81 Неймар.
Депортиво – Фернандес, Наварро (Фажр, 58), Сидней, Лауре, Хуанфран, Кани (Картабия, 59), Бергантиньос, Москера, Борхес (Гутьеррес, 70), Перес, Риера.
Барселона – Браво, Бартра, Альба (Адриано, 70), Дани Алвес, Бускетс (Рафинья, 71), Ракитич, Маскерано, Иньеста (Серджи Роберто, 59), Неймар, Месси, Суарес.
Огоҳлантириш: Кани (30).