Сўнгги тур ўйинлари жамоамиз учун омадсиз кечди. Олдинда эса бизни яна бир муҳим учрашув кутиб турибди. 30 апрель куни “Қўқон-1912” жамоаси меҳмонда “Металлург”га қарши баҳс олиб боради. Кеча жамоамиз аъзолари ушбу ўйинга тайёргарликни бошлаб юборишди. “Марказий” ўйингоҳда бўлган машғулотларни, жисмоний тайёргарлик бўйича мураббий Сергей Ковшов ҳамда катта мураббий Муҳсин Низомиддиновлар олиб боришди. Бош мураббий Мурод Исмоилов терма жамоа мураббийларининг клублар бош мураббийлари билан учрашувида иштирок этиш учун Тошкент шаҳрига кетган учун машғулотда иштирок эта олмади.
Бугундан машғулотларда бош мураббийнинг ўзи ҳам қатнашади.
