«Лестер» Англия чемпионатининг 36-тури доирасида «Манчестер Юнайтед»га қарши сафарда бўладиган ўйинни ўзининг уй стадиони ҳисобланган «Кинг Пауэр»да ўрнатилган катта экран орқали ўз мухлисларига намойиш этишни истаганди.
Аммо АПЛ раҳбарияти "тулкилар"га «МЮ» ва «Челси»га қарши сафар ўйинларини катта экранда намойиш қилишга рухсат бермади.
«Лестер» якшанба куни «Олд Траффорд»да бўладиган ўйинни мухлисларга намойиш қилиб, байрам кайфиятини улашмоқчи эди. Боиси, бу учрашувдаги ғалаба Клаудио Раньери шогирдларини муддатидан аввал Англия чемпионига айлантиради.
Премьер-лига ўйинларини трансляция қилиш ҳуқуқи Sky Sports ва BT Sport телеканалларига тегишли бўлгани учун "Лестер"га рад жавоби берилган.