Хабарингиз бор, Англия Премьер лигаси 30 апрель куни 36-турида мусобақа пешқадами "Лестер" жамоаси "Олд Траффорд"да "Манчестер Юнайтед" меҳмони бўлади.
Агар "Лестер" ушбу ўйинда ғалаба қозонса, чемпионликни тантана қилади. Ушбу ўйиндан аввал "МЮ" устози Луи ван Гал бўлажак ўйин ҳақида ўз фикларини билдириб ўтди.
"Биз уларнинг "Олд Траффорд"да чемпион бўлишларига йўл қўймаймиз. Биз "Лестер"нинг байрамини бузмоқчи эмасмиз, шунчаки уни бир оз кечиктирмоқчимиз", — дея ван Галнинг сўзларидан иқтибос келтирмоқда клуб расмий твиттери.
Шунингдек, голландиялик мутахассис "тулкилар" устози Раньери ҳақида ҳам фикр билдириб ўтди.
"Унинг жамоаларига қарши ўйнаш қийин. Ҳар доим ўз шогирдларини жудаям тартибли ўйната олади".
