Англия Премьер-лигасининг 36-турида "Манчестер Юнайтед" ўз майдонида "Лестер"ни қабул қилди.

Қизиқарли кечган учрашув 1:1 ҳисобидаги дуранг билан якунланди. Баҳснинг 8-дақиқасида Валенсия ўнг қанотдан жарима майдончасига узатма берди. Тўп барчадан ўтиб кетиб, олис устун томондаги Марсиалга келиб тушди. Антони дарвозабон майдончаси бурчагидан зарба бериб, дарвозани ишғол қилди.

Орадан кўп ўтмасдан лестерликлар ҳисобни тенглаштиришди. Дринкуотер жарима тўпини ўйинга киритди ва Вес Морган бош билан дарвозани ишғол қилди.

Ўйин сўнгига қадар ҳар иккала жамоада гол уриш учун имкониятлар юзага келди, аммо 1:1 ҳисоби ўзгармай қолди.

Бугунги ўйиндан кейин муддатидан аввал чемпионлик бугун юз бермади. Лекин бу натижа "МЮ"ни ҳам қаноатлантирмади. Боиси, улар ЕЧЛ йўлланмасидан қуруқ қолишлари мумкин. "Лестер" эртага чемпионликни расмийлаштириши мумкин, агар "Челси" - "Тоттенхэм" ўйинида "шпорлар" ғалаба қозона олишмаса.

АПЛ.36-ТУР
"МАНЧЕСТЕР ЮНАЙТЕД" - "ЛЕСТЕР" - 1:1 (1:1)
Голлар: 1:0 – 8 Марсьяль, 1:1 – 17 Морган.
Манчестер Юнайтед – Де Хеа, Блинд, Смоллинг, Рохо, Валенсия, Лингард (Мата, 62), Феллайни (Эррера, 75), Кэррик, Марсьяль, Руни, Рэшфорд (Депай, 82).
Лестер – Шмейхель, Морган, Фукс, Симпсон, Хут, Дринкуотер, Канте, Марез (Кинг, 88), Шлупп (Олбрайтон, 77), Окадзаки (Грэй, 67), Ульоа.
Огоҳлантиришлар: Лингард (53), Кэррик (57), Дринкуотер (58), Руни (66).
Четлатиш: Дринкуотер (86).