«Лестер» жамоаси яримҳимоячиси Марк Олбрайтоннинг айтишича, жамоа  футболчилари АПЛнинг 36-тури доирасидаги «Челси» – «Тоттенҳэм» баҳсини биргаликда кузатиш учун бирга йиғилишади.

«Биз бу ўйинни биргаликда томоша қилишимиз керак. Ҳеч ким бу таклифни рад этолмайди.

Мен «Тоттенҳэм»нинг ўтган ҳафталардаги ўйинларини томоша қилмагандим, лекин бугунги ўйин натижаси бизни чемпионга айлантириши мумкин. Биз барчамиз бу ўйинни бирга кўриш учун йиғиламиз ва эҳтимол тонггача вақтни биргаликда ўтказармиз», – дейди Олбрайтон.

«Челси» – «Тоттенҳэм» баҳси 3 майга ўтар кечаси, Тошкент вақти билан соат 00.00да бошланади.

Агар «Тоттенҳэм» бу ўйиндао очко йўқотса, «Лестер» автоматик равишда муддатидан олдин Англия чемпионига айланади.