Бугун жамоамиз учун муҳим ўйин бўлиб ўтади. Осиё чемпионлар лигаси гуруҳ босқичининг сўнгги 6-тур учрашувида “Насаф” Бирлашган Араб Амирлигининг Ал-Айн шаҳрида “Ал-Айн” жамоасига қарши майдонга тушади.
Учрашув “Hazza bin Zayed Stadium”да бизнинг вақт билан соат 21:30да бошланади. Мазкур учрашув Спорт телеканали орқали тўғридан-тўғри трансляция ҳам қилинади.
Жамоамиз кеча ушбу стадионда ўйинолди расмий машғулотини ўтказди. Расмий машғулотдан олинган суратларни сайтимизнинг “Медиа” бўлими орқали томоша қилишингиз мумкин.
Машғулот кўтаринки кайфиятда ўтди. Ҳамманинг кайфияти аъло даражада, жамоамиз тўлиқ ўйинга шай.
Ушбу ҳал қилувчи ўйинда кимлар дастлаб майдонга тушишини, бугун ўйин бошланиши олдидан билиб оламиз.
Клубимизнинг барча мухлислари номидан жамоамизнинг бугунги ўйинида ғалаба тилаб қоламиз. Ҳаммамизга омад ёр бўлсин.
Осиё чемпионлар лигаси-2016 6-тур.
03.05.2016. Ал-Айн ш., “Hazza bin Zayed Stadium”. Соат 21:30да
“Ал-Айн” (БАА) – “Насаф” (Ўзбекистон)
Бош ҳакам: Тоджо Минору (Япония)
Қанот ҳакамлари: Отсука Ҳаруҳиро, Яги Аканелар (барчаси Япониядан)
Тўртинчи ҳакам: Поям Ҳайдари (Эрон)
Учрашув комиссари: Носир Дарвеш Алғоффори (Иордания).
