«Реал» ярим ҳимоячиси Лука Модрич ва Серхио Рамос Испания чемпионатининг 36-тури доирасида «Реал Сосьедад»га қарши ўйин давомида Искога танбеҳ беришди. Бу ҳақида Sport.es хабар тарқатди.
Ўйин давомида Иско рақиб жарима майдончаси ичида шерикларига узатма бермади ва тўпни йўқотди. Натижада Модрич тўпни эгаллаб қарши ҳужумга ўтаётган рақиб футболчисини йиқитишга мажбур бўлди ва сариқ карточка олди. Мазкур вазият юзасидан Модрич Искога жиддий танбеҳ берди. Бу нарса Искога ёқмади ва Рамоснинг олдига бориб, Модричнинг устидан шикоят қилди. Аммо Иско Рамосдан ҳам "гап" эшитиб олди. "Қаймоқранглилар" сардори уни оғзини юмишни ва ўз ишини бажаришга чақирди.
Натижада Иско ўз вақтида шерикларига пас бера бошлади. Айнан унинг узатмасидан кейин Лукас Васкес ўнг қанотдан тўпни ҳаводан етказди. Бэйл эса бош билан дарвозани ишғол қилди. Ўйин "Реал"нинг 1:0 ҳисобидаги ғалабаси билан якунланди.
Қуйидаги видеолавҳада мазкур воқеага гувоҳ бўлишингиз мумкин.