Европада ўзига хос нуфузга эга чемпионат саналаувчи Сербия Суперлигасида 34-тур учрашувлари ўтказилди.
Тур доирасидан ўрин олган беллашувлардан бирида ҳамюртимиз Ҳусниддин Ғофуров тўп сураётган “Явор” клуби “Нови Пазар” меҳмони бўлди. Жуда қизиқарли кўриниш олган баҳсда меҳмонлар икки тўп фарқи билан ғалаба қозонишди.
Учрашувда Ўзбекистон терма жамоасига номзод футболчи бошланғич таркибда майдонга чиқди ва 87 дақиқа ҳаракат қилди. У шунингдек, ҳакам томонидан сариқ карточка ҳам олишга улгурди.
Шуни таъкидлаш жоизки, чемпионат якунланишига 3 та тур қолаётганда чемпион номи ҳам маълум бўлди. 34-турда “Вождовац”ни кичик ҳисобда енгган “Црвена Звезда” Сербия чемпионлигини қўлга киритди.
Ҳусниддин Ғофуров ўйнаётган “Явор Матис” эса 24 очко жамғарганча, 10-поғонада кетмоқда. Кейинги учрашувни “Явор” 7 май куни “Металац”га қарши ўтказади.
