"Лестер" Англия Премьер-лигасининг 37-тури доирасида "Эвертон"ни мағлуб этди. Бу орқали "тулкилар" чемпионлик йўлида рақибнинг очко йўқотиши эмас, ўзларининг ғалабалари муҳимроқ бўлганини исботлашди.

Учта ўйиндан иборат дисквалификацияни ўтаб бўлиб майдонга қайтган Жейми Варди дублга эришди. Ҳужумчи яна битта белгиланган пенальтидан самарали фойдалана олмади. Мезбонларнинг яна бир голига Энди Кинг муаллифлик қилган бўлса, "Эвертон" баҳс сўнгида битта жавоб тўпини киритишга муваффақ бўлди.

Ушбу ғалабадан кейин "Лестер"нинг очколари сони 80тага етди. Бугунги ўйиндан кейин Раньери жамоасига АПЛ ғолиблиги кубогини тантанали равишда топшириш маросими бўлиб ўтди.

АПЛ, 37-ТУР
ЛЕСТЕР - ЭВЕРТОН - 3:1 (2:0)
Голлар: 1:0 – 5 Варди, 2:0 – 33 Кинг, 3:0 – 65, пенальти Варди, 3:1 – 88 Миральяс.
Лестер – Шмейхель, Василевски, Фукс, Симпсон, Морган, Кинг, Канте, Олбрайтон (Шлупп, 67), Марез (Грэй, 90), Окадзаки (Ульоа, 62), Варди.
Эвертон – Роблес, Стоунз, Бейнс, Овьедо, Пеннингтон, Баркли (Осман, 81), Маккарти, Клеверли (Гибсон, 63), Леннон, Лукаку, Ньяссе (Миральяс, 63).
Огоҳлантиришлар: Пеннингтон (44), Клеверли (49), Гибсон (71).