«Барселона» бош мураббийи Луис Энрике Ла лиганинг 37-турии доирасида бўлиб ўтган «Эспаньол»га қарши ўйиндан (5:0) кейин ўз фикрларини билдириб ўтди.

«Анчадан бери мусобақа жадвалини бошқариб келаётганимизни инобатга олсак, биз чемпионликка муносибмиз. Умид қиламан, финалга тенг бўлган ўйинда ғалаба қозонамиз ва совринни қўлга киритамиз.

Кураш ҳали якунланмади. Қаранг, бугун «Атлетико» бугун нима қилди («Леванте»га 1:2 ҳисобида ютқазди – таҳририят). Ла лигани тарк этган жамоа Испания ва Европанинг энг кучли жамоаларидан бирини мағлуб этди.

«Гранада» Ла лигада қолиш вазифасини бажариб бўлди? Биз бунга аҳамият қаратмаймиз? Ўз мақсадимизга футбол майдонида эришишга ҳаракат қиламиз. Сафарда ўйнаш ҳамиша қийин. Айрим нарсаларни назорат қилиб бўлмайди. Лекин биз совринга яна бир қадам яқин келдик.

Албатта, босим бўлади — битта ўйин чемпионлик тақдирини ҳал қилади. «Реал» ҳам шундай ҳолатда. Улар ҳам сафарда ўйнашади. Чемпионатда ақлбовар қилмай рақобат кузатилди. Келаси ҳафта барчасига чек қўйишимиз керак», – дейди Луис Энрике.