Испания чемпионатининг 37-турида Каталония дербисида "Барселона" "Эспаньол"ни йирик 5:0 ҳисобида таслим этиб, чемпионлик учун навбатдаги қадамини ташлади. Биз мазкур беллашув ҳақидаги 12 та фактни эътиборингизга ҳавола этамиз.
1. "Барселона" ва "Эспаньол" Испания чемпионатида 164-марта рақиб бўлишди. "Барса" 94-ғалабасини тантана қилди.
2. Луис Энрике шогирдлари "Эспаньол" билан ўйинлардаги 306-310-голларни уришди.
3. Месси ушбу мавсумда еттинчи марта "Барса"нинг илк голига муаллифлик қилди ва бу борада жамоадоши Суаресга етиб олди.
4. Лео Ла лигадаги 312, "Барса"даги 453 ва фаолиятидаги 503-голни урди.
5. Суарес чемпионатдаги охирги 4 ўйинда 11 та гол урди.
6. Суарес бир мавсумда урган голлари сони бўйича шахсий рекордини ўрнатди. У Ла лиганинг ушбу мавсумидаги 36 ва 37-голларини киритди. Бундан олдин уругвайлик 2010 йили "Аякс"да 35 та гол киритган эди.
7. Суарес "Барса"даги 80 ва 81-голларини киритди.
8. Луис клублардаги фаолиятидаги 300 ва 301-голларига муаллифлик қилди.
9. Суарес ушбу мавсумда "Барса" либосида 51 учрашувда 56 гол киритди.
10. Рафиня мавсумдаги биринчи, фаолиятидаги саккизинчи голини урди.
11. Неймар чемпионатда 24 та гол уриб, шахсий рекордини янгилади.
12. Неймар "Барса"даги 84, фаолиятидаги 266 голини урди.
Фурқат Юсупов тайёрлади
"Реал" - "Валенсия" ўйинига оид 15 факт
Россия чемпионатида ўйнаган Ўзбекистонликлар. Лушчандан Бугалогача 2-қисм)