«Манчестер Юнайтед» ҳужумчиси Антони Марсьяль «Норвич»га қарши бўлиб ўтган ўйиндан (1:0) олдинги чигалёзди машғулот пайтида жароҳат олган.
The Telegraph тарқатган маълумотга кўра, сонининг орқа қисмидан олган жароҳат туфайли франциялик футболчи эртага бўлиб ўтадиган «Вест Хэм»га қарши ўйинда иштирок эта олмайди.
20 ёшли Марсьяль 15та гол билан «МЮ»нинг ушбу мавсумдаги энг яхши тўпурари бўлиб турибди. Эртанги ўйин «Юнайтед» учун жуда муҳим аҳамиятга эга бўлиб, жамоа «Сити» билан кучли тўртликка кириш учун кураш олиб боряпти.