Испанияда чемпионлик масаласи охирги турда ҳал бўлади. Кеча Ла Лига 37-тур ўйинлари бир вақтда бошланди. Унда
“Барселона” ўз майдонида
“Эспаньол”ни қабул қилиб, 5:0 ҳисобида мағлуб этди. “Реал” “Сантьяго Бернебеу”даги
“Валенcия”га қарши учрашувлардаги ғалабасиз сериясига чек қўйди – 3:2.
“Атлетико” эса сафарда кутилмаганда, 2:1 ҳисобида мағлубиятга учради ва катта эҳтимол билан Ла Лига финишига бир тур қолганда “накаут” бўлди. Энди барча сўнгги турни интизорлик билан кутмоқда.
Эътиборли томони шундаки, “Барселона” ва “Реал” 38-турни сафарда ўтказади. Каталонияликлар Ла Лигада қолиш учун курашаётган “Гранада” меҳмони бўлади. “Реал” эса айни пайтда ҳеч қандай мақсади бўлмаган “Депортиво” билан куч синашади.
Испания чемпиони ким бўлишини кутаётганлар етарлича топилади. Ким ғолиб бўлиши борасидаги саволга кимдир аниқ жавоб бера олмайди. “Барселона” “қироллик клуби”дан бир очко олдинда бўлсада, ҳотиржамликка берила олмайди. Чунки
Луис Энрике шогирдлари “Гранада” меҳмони бўлишади. Гранадаликлар айни пайтда турнир жадвалининг ҳавфли ҳудудларида боришмоқда. Улар 37-турда “Севилья” майдонидан 1:4 ҳисобидаги ғалаба билан қайтишди. Бу эса
Хосе Гонсалес шогирдларининг иштахасини очиши аниқ. Демак, “Барселона” сўнгги ўйинни “Нуэво Лос-Карменес”да ўтказади. Бу чемпионлик масаласини ҳал қиладиган беллашув бўлади.
“Қироллик клуби” эса Ла Лигада қолиши аниқ бўлган, турнир жадвалининг эса 13-поғонасида бораётган “Депортиво” майдонига сафар қилади. Ла Карунияда
Зинедин Зидан жамоаси “Барселона”га нисбатан осон ўйин ўтказади. Чунки ҳар икки клубда ҳам ҳеч қандай босим йўқ. Шуни айтишимиз мумкинки, “Реал”нинг “Риасор”да ғалаба қозониши ҳақиқатга яқинроқ.
“Атлетико” борасида гапирар эканмиз, “матрасчилар” икки фронтда кураш олиб бориш даражасида эмасликлари кўриниб қолди. Эсингизда бўлса, 2013-2014 мавсумда
Диего Семионе жамоаси Испания чемпионлигини қўлга киритган ва ЕЧЛ финалида “Реал”га имкониятни бой бериб қўйган. Бу гал мамлакат чемпионлиги ЕЧЛ финали олдидан қурбон қилинди. Балки “Атлетико” бу йил ЕЧЛда зафар қучишни ражалаштиргандир?!
Хуллас сиз-у бизни 38-турда ажойиб, курашларга бой беллашувлар кутиб турибди. Бу эса ЕЛ ва ЕЧЛ финали олдидан мухлислар учун ажойиб тайёргарлик вазифасини ўтаб бериши аниқ.
Қуйида турнир жадвали ва клубларнинг кейинги турдаги ўйинлари.
“Гранада” – “Барселона” 14. 05. 2016
“Депортиво” – “Реал” 14. 05. 2016
“Атлетико” – “Сельта” 14. 05. 2016
