Бугун Англия Премьер-лигасида муҳим ўйинлардан бири бўлиб ўтади. 35-турнинг қолдирилган ўйини доирасида "Вест Хэм" ўз майдонида "Манчестер Юнайтед"ни қабул қилади.
Бу баҳс ҳар иккала жамоа катта аҳамиятга эга. "Манчестер Юнайтед" бугун ғалаба қозонса, "Манчестер Сити"дан ўтиб кетади ва 4-ўринга кўтарилиб олади. Луи ван Гал шогирдлари сўнгги турда "Борнмут"ни мағлуб этсалар, келаси мавсумда ЕЧЛда иштирок этиш ҳуқуқига эга бўладилар.
Ўз навбатида "Вест Хэм" келаси мавсумда Европа лигасида иштирок этиши учун бугун ғалаба қозониши шарт. Славен Билич шогирдлари ғалаба учун курашишларига шубҳа йўқ.
Кўрамиз, қайси жамоа ўз мақсадига етар экан: "Манчестер Юнайтед", "Вест Хэм" ёки "Манчестер Сити"?
"Вест Хэм" - "Манчестер Юнайтед" учрашуви сайтимиз орқали матнли онлайн трансляция қилинади. Ўтказиб юборманг.