35-турнинг қолдирилган учрашуви доирасида бўлиб ўтадиган «Вест Хэм» — «Манчестер Юнайтед» жамоалари ўртасидаги баҳс “қизил иблислар”нинг автобусига ҳужум қилинганлиги сабабли, ўйин кеч бошланадиган бўлди. Учрашув Тошкент вақти билан 23:45да бошланиши керак эди, лекин учрашув бошланиши 00:30га қолдирилганлиги ҳақида Telegraph хабар бермоқда.
“МЮ” жой олган автобус “Вест Хэм” мухлислари томонидан ўраб олинди, шундан сўнг мухлислар автобусга қарата шиша буюмлари ва бошқа буюмларни улоқтиришни бошлашди. Шу сабабли, «МЮ» ўйинни бироз кечроқ бошлашни илтимос қилди ва “қизил иблислар”нинг илтимоси қаноатлантирилди.
Бугунги учрашув «Вест Хэм» учун «Аптон Парк — Болейн Граунд» стадионидаги сўнгги баҳс бўлади.