«Гранада» дарвозабони Иван Келава «Барселона»га қарши ўйинда ижобий натижа учун «Реал»дан мукофот олишга қарши эмаслигини таъкидлади.
«Ла лигада жон сақлаб қолганимизни байрам қилиб, ушбу ҳафтада тайинли машғулот ўтказмадик. Бир клуб бошқа жамоа футболчиларини рағбатлантириши — нормал ҳолат эканини жамоадошларим айтишди. Шу боис, балки «Барселона»ни тўхтатиб қолишимиз учун "Реал" бизга мукофот таклиф қилар", – дейди Келава.
Испаниянинг амалдаги қонунлари биноан бундай рағбатлантириш ноқонуний ҳисобланади.
Эслатиб ўтамиз, чемпионат тугашига 1 тур қолгани «Барселона» «Реал»ни бир очкога ортда қолдирмоқда. Каталонияликлар 14 май куни сафарда «Гранада» билан ўйнаса, «Реал» «Депортиво» меҳмони бўлади.