Футбол бўйича Англия Премьер-лигасининг 37-тури якунларига кўра, «Ньюкасл» ҳамда «Норвич» клублари Чемпионшип лигага равона бўлди. «Сандерленд» 30-турнинг қолдирилган учрашувида «Эвертон»ни мағлуб этиб, АПЛда жон сақлаб қолди.

38-турда қандай ҳисоблар қайд этилишидан ташқари, Премьер-лигани тарк этадиган барча клуб номи аниқ бўлди. «Астон Вилла», «Норвич» ва «Ньюкасл» набватдаги мавсумни Англия қуйи лигасида ўтказади. Қолдирилган ўйинларнинг яна бирида «Уотфорд»ни мағлуб этганига қарамай, «Норвич» ўз мухлислари кўз ўнгида элита билан хайрлашди.

11 май кунининг марказий ўйинида «Ливерпуль» ўз майдонида «Челси» билан дуранг ўйнади. Учрашувнинг 32-дақиқасида Эден Азар меҳмонларни ҳисобда олдинга олиб чиққан бўлса, ҳакам томонидан конпенсация учун қўшиб берилган дақиқада Кристиан Бентеке Юрген Клопп жамоасини мағлубиятдан қутқариб қолди.

37 та ўйинда 59 очко жамғарган «Ливерпуль» 8-ўринни эгаллаб турган бўлса, 49 очкоси бор «Челси» 9-поғонадан жой олган.

Англия Премер-лигаси

30-турнинг қолдирилган ўйинлари
11 май, чоршанба

Голлар: Патрик ван Анхольт, 38 (1:0). Ламин Коне, 42 (2:0). Ламин Коне, 55 (3:0).

Голлар: Эден Азар, 32 (0:1). Кристиан Бентеке, 90+2 (1:1).

35-турнинг қолдирилган ўйини

Голлар: Трой Дини, 11 (0:1). Нейтан Редмонд, 15 (1:1). Дьёмерси Мбокани, 18 (2:1). Крейг Кеткарт, 37-авт (3:1). Одион Игало, 51 (3:2). Дьёмерси Мбокани, 57 (4:2).