Англия Премьер-лигасининг сўнгги тур учрашувлари бўлиб ўтди. Фақат "Олд Траффорд"да шубҳали пакет топилган туфайли "Манчестер Юнайтед" ва "Борнмут" ўртасидаги ўйин ўтказилмай қолди.
Айнан ўтказилмаган мазкур баҳс туфайли битта савол очиқлигича қолди: ЕЧЛга бериладиган тўртинчи йўлланмани ким қўлга киритади? "Манчестер Сити" ёки "Манчестер Юнайтед"?
"Шаҳарликлар" бугун "Суонси"ни мағлуб этишганида, ЕЧЛ йўлланмасини ҳал қилишарди. Аммо Уэльсдаги ўйинда дуранг натижа қайд этилди — 1:1. Натижада "Сити" ва "Юнайтед" ўртасидаги фарқ 3 очкони ташкил қилди.
"МЮ" қолдирилган ўйинда "Борнмут"ни мағлуб этса, очколар бўйича ҳамшаҳарларига етиб олади. Бу ҳолат 4-ўринни эгаллаш учун етарли бўладими?
Англия Премьер-лигаси регламентига кўра, очколар тенг бўлган ҳолатда биринчи навбатда тўплар нисбати инобатга олинади. Ҳозирда "Сити"нинг тўплар фарқи 71-41 (+30) бўлса, Луи ван Гал жамоасида бу кўрсаткич — 46-34 (+12). Демак, "Манчестер Юнайтед" 4-ўринни эгаллаши учун "Борнмут"ни 19та тўп фарқи билан мағлуб этиши шарт.