Испания чемпионати ушбу мавсумда аниқ тўп узатган футболчилар ўнталиги тузиб чиқилди. Унга кўра 10 нафар футболчининг 6 таси "мадридист"лар, 4 таси эса "каталон"лардир.

Алоҳида қилиб эса бу ерда Тони Кроос ва Лука Модрични кўрсатиб ўтиш керак. Немис футболчиси бу рўйхатда етакчилик қилмоқда. Унинг аниқ тўп узатишлар фоизи 93%, унинг ўртача 100 та тўп оширишида фақатгина 7 таси нотўғри кетмоқда. Лука Модричда эса бу кўрсатгич 90,9%. 

Энг қизиғи кучли учликда "Реал"нинг яна бир Хорватиялик футболчиси Матео Ковачич бормоқда. Гарчи кам ўйин ўтказган бўлсада Матео ўзининг аниқ тўп узатмалари билан барчани хайрон қолдирган. Унинг тўп узатмаларининг 90,5% аниқ манзилга етиб бормоқда. Бу борада Ковачич Маскерано билан бир хил кўрсатгич қайд этган ва мос равишда иккаласи ҳам 3-ўринни эгаллаб туришибди.

Шунингдек, "мадридист"лардан Серхио Рамос 90,3% билан 6-поғонада. Иско (89,1%) ва Рафаэл Варан (88,2%) рейтингни ёпиб беришган.