“Челси” клубининг собиқ шифокори Ева Карнейро судда кўрсатма бериб, собиқ бош мураббий Жозе Моуриньо томонидан доимий равишда таҳқирланганини гапирди деб хабар беради "The Telegraph".

“Мени камситувчи уятсиз шарҳларни доимий равишда эшитганман. Шаънимни обрўсизлантирувчи гаплар устимга тўхтовсиз ёғилган. Азар билан юзага келган можародан сўнг Моуриньо: “У мен билан ишлашга лойиқ эмас, уни қизлар академиясининг клубига ўтказиб юборинглар” – деб айтган. Кейин мени ишдан четлатишган” - деди Карнейро якуний суд маҳкамасида.

«Челси» клуби Карнейро билан юзага келган можарони ўзаро келишув асосида ҳал қилишни ва унга 1,2 млн. фунт миқдорида товон пули тўлашни таклиф қилган эди. Бироқ Карнейро бунга рози бўлмаган.

Бу можаро юзасидан суд яқин кунлар ичида қарор чиқариши кутилмоқда.