Англия – Россия ўйинидан олдин Марсель шаҳрида ҳар иккала терма жамоа мухлислари томонидан тўқнашувлар содир этилди, деб хабар бермоқда La Provence.

Спиртли ичимликларни истеъмол қилган фанатлар Марсель кўчаларида даҳанаки жанг уюштиришган. Полиция ва ҳарбийлар Марсель кўчаларида тартиб ўрнатиш учун етиб келганидан сўнг, жанг шаҳарнинг овлоқ жойларига кўчган. Фанатлар тош ва шиша идишларни улоқтириб, бир-бири билан муштлашишган. Натижада, бир қанча мухлислар оғир тан жароҳати олишган. Бошқалари полиция томонидан ҳибсга олинган.

УЕФА ташкилоти Марсель кўчаларида юзага келган бузғунчиликни қоралаб баёнот берган ва айбдорларни жазолашга чақирган.