"Қизилқум" - "Навбаҳор" учрашувидан сўнг жамоамиз бош мураббийи Александр Волков ўйин борасидаги фикрлари билан ўртоқлашди.

"Умуман олганда ўйин ёмон кечмади.  Вазиятларни гол билан якунлашдан ташқари бошқа жабхада шогирдларимга ҳеч қандай эътирозим йўқ. 100 фоизли вазиятлар яратдик, аммо гол ура олмадик. Сен урмасанг сенга уришади деган нақл бугун ўз исботини топди. Афсуски сўнгги дақиқада пенальтидан гол ўтказиб ютқазиш жуда ҳам аламли. "Қизилқум"ни ғалаба билан табриклайман. Ўйин дурангга мос эди. Мақсадимиз ўтган йилгидагидек мавсумни мусобақа жадвалининг ўртасида якунлаш. Иккинчи бўлимда нимага суст ўйнадик? Дарвоза дахлсизлигини сақлаб қолишни режалаштиргандик. Қолаверса бугун асосий таркибнинг икки ўйинчиси ҳам майдонга тушмагани ўз таъсирини ўтказди. Бу оддий икки футболчи эмас, улар бизнинг етакчиларимиз эди. Ҳайрулла Каримова ва Дилшод Жабборовларни назарда тутиб айтяпман. Бир ҳужумчи билан ўйин ўтказишни кўзлаганимиз боис Мўйдин ўйинимиз схемасига тўғри келмасди. Кореялик футболчимизнинг солиқ билан боғлиқ муаммолари борлиги боис уни ўз юртига чақиришди. Уни қўйиб юборишмаганига қараганда вазият жиддийга ўхшайди", - дейди Волков.