Олий лигамизда 12-тур ўйинлари ўз поёнига етди ва биз рақамларга юзланамиз.

Бўлиб ўтган саккиз учрашув кескин курашлар остида ўтди. Дарвозалар 21 марта ишғол қилинди. Мезбонлар 11 бор, меҳмонлар эса 10 марта дарвозаларга гол киритишди. 12-турда мезбонлар 3 та, меҳмонлар эса 4 та учрашувда ғалаба қозонишди. Бир учрашувда дуранг кузатилди. 2:1 ва 2:0 ҳисоблари икки мартадан кузатилган бўлса, 3:0, 3:2, 1:1 ва 1:0 биттадан қайд этилди.

Ҳакамлар дарвозаларга 3 марта пенальти белгилади ва барчаси аниқ бажарилди. Илҳом Юнусов, Евгений Гоголь ва Игорь Сергеевлар 11 метрлик нуқтадан гол киритишди.

Ҳакамлар томонидан футболчиларга 35 та сариқ карточка кўрсатилди. Равшан Эрматов ва Владислав Цейтлин энг юқори баҳога лойиқ кўрилган бўлса (9,0), Хасан Рўзиев 12-турда энг паст баҳо олган (7,2).

Мазкур турда энг кўп мухлис "Бухоро"-"Нефтчи" учрашувида кузатилди. Ўйинни бевосита ўйингоҳдан 17 521 нафар томошабин кузатган. Доимгидек, "Пахтакор" яна энг кам мухлис тўплаган. "Пахтакор"-"Машъал" учрашувини атиги 700 мухлис стадионда томоша қилган.

12-турда иккита дубль қайд этилди. "Обод" ва "Локомотив" жамоалари ҳужумчилари Шоҳруз Норхонов ҳамда Темурхўжа Абдуҳолиқовлар 2 тадан гол муаллифи бўлишди.

Турнинг тезкор голи "Насаф"-"Локомотив" учрашувида кузатилди. 3-дақиқада Темурхўжа Абдуҳолиқов қаршиликлар дарвозасини ишғол қилган. Ва аксинча, "Қизилқум" аъзоси 90+5 - дақиқада "Навбаҳор" дарвозасини пенальтидан ишғол қилган.

ПФЛга тақдим қилинган энг яхши ўйинчилар: Александр Пишур ("Навбаҳор"), Илҳом Юнусов ("Қизилқум"), Шоҳруз Норхонов ("Обод"), Игорь Таран ("Шўртан"), Жамшид Болтабоев ("Пахтакор"), Шаҳзод Шаймонов ("Машъал"), Носир Отақўзиев ("Қўқон-1912"), Музаффар Музаффаров ("Қўқон-1912"), Шавкат Саломов ("Бухоро"), Ўткир Юсупов ("Нефтчи"), Баҳром Абдураҳимов ("Насаф"), Темурхўжа Абдуҳолиқов ("Локомотив"), Муқимжон Тошматов ("Металлург"), Мурод Зуҳуров ("Бунёдкор"), Нодир Ашурматов ("Андижон"), Рўзимбой Аҳмедов ("Олмалиқ").

12-тур натижалари:
"Обод"-"Шўртан" 2:3
"Андижон"-"Олмалиқ" 0:2
"Бухоро"-"Нефтчи" 2:0
"Қизилқум"-"Навбаҳор" 1:0
"Қўқон-1912"-"Сўғдиёна" 1:2
"Насаф"-"Локомотив" 1:2
"Пахтакор"-"Машъал" 3:0
"Металлург"-"Бунёдкор" 1:1.

13-турда учрашади:
20 июнь (душанба)
БУНЁДКОР– АНДИЖОН
ОЛМАЛИҚ – ОБОД
ШЎРТАН – ПАХТАКОР
21 июнь (сешанба)
МАШЪАЛ–ҚЎҚОН-1912
СЎҒДИЁНА – БУХОРО
НЕФТЧИ – НАСАФ
ЛОКОМОТИВ – ҚИЗИЛҚУМ
НАВБАҲОР – МЕТАЛЛУР