Қозоғистон терма жамоасининг бош мураббийи Талгат Байсуфинов Россияда ўтказиладиган ЖЧ-2018 йўлланмасини қўлга киритишга ҳаракат қилишини билдирди.
«Жамоамиз қандай рақиб билан ўйнашидан қатъий назар, чиройли, комбинацион футбол намойиш этиб, ижобий натижага эришишга ҳаракат қилади. Барча кучли футболчилар терма жамоага жалб қилинади, ҳеч бир футболчи эътиборимиздан четда қолмайди. Мураббийлар штаби ҳар бир турда жуда кўп футболчиларни кузатиб боради. Албатта, ЖЧ-2018 йўлланмасини қўлга киритиш мушкул вазифа, аммо мақсадимизга эришиш учун бор кучимизни ишга соламиз», — деди Байсуфинов «Казахстанская правда» хабарига кўра.
