«Арсенал» клубининг дарвозабони Петр Чех Буюк Британиянинг Европа иттифоқидан чиқиш бўйича қилган тадбирини танқид қилди.
Гап шундаки, Бирлашган қиролликнинг мустақиллик партияси агар Буюк Британия Европа иттифоқини тарк этса, соғлиқни сақлаш соҳасига 430 млн евро йўналтирилишини ваъда берганди. Бугун эса партиянинг раҳбари Найжел Фараж бундай баёнотни берилиши нотўғри бўлганини гапирди.
«Мамлакат тарихидаги энг муҳим қарор ёлғон ваъдага асосан қабул қилинганга ўхшаяпти” - деди Чех ўзининг твиттер саҳифасида.
Эслатиб ўтамиз, 34 ёшли футболчи Лондонда 12 йилдан буён яшамоқда.
