Жанубий Америка футбол конфедерацияси (КОНМЕБОЛ) президенти Алехандро Домингес УЕФА ташкилотига мурожаат қилиб, Европа чемпионати ва Америка кубоги ғолиби ўртасида ўйин ўтказишни таклиф қилди.
«Биз Евро-2016 ғолиби ва Америка кубоги-2016 ғолиби ўртасида ўйин ташкил этиш борасида УЕФАга таклиф жўнатдик. АҚШда ўтаётган Америка кубоги ҳақида гапирадиган бўлсак, таассуротлар ижобий. Мухлисларнинг ажойиб хулқи, стадионларга ўртача 46 минг мухлис ташриф буюриши, жамоаларнинг сермаҳсул ўйини, ҳар бир ўйинда ўртача 3 гол урилиши, булардан жудаям мамнунмиз», – деди Домингес.