Испания профессионал футбол лигаси президенти Хавьер Тебас янги мавсумдан бошлаб мамлакат чемпионатининг олий дивизионлари - Примера ва Сегунда номлари бошқа ном билан аталишини маълум қилди.
"Ла лига номида ҳомийнинг номи бўлмайди, чунки биз бир нечта ҳамкорлар билан иш олиб борамиз. Иккинчи дивизион Ла лига 2 деб аталади. Биз уч йил аввал қабул қилган стратегик режаларимизни амалга оширмоқчимиз, бу лигамизнинг Европада энг яхши бўлишига олиб келади. Уч йилдан буён томошабинлар ташрифи бўйича рекордлар ўрнатяпмиз, бу бизнинг мухлислар билан яхши иш олиб бораётганимиздан дарак беради", - дея Тебаснинг сўзларини келтиради Marca.
