Тожикистон терма жамоасининг собиқ ҳимоячиси Виталий Левченко мамлакат ёшлар (U19) терма жамоаси бош мураббийи қилиб тайинланди. Шу пайтгача у миллий терма жамоа бош мураббийи Хаким Фузайлов ёрдамчиси бўлиб ишлаётганди.
Энди у тожикистонлик ёшларни 13-30 октябрь кунлари Баҳрайнда бўлиб ўтадиган Осиё чемпионатига тайёрлайди. Мусобақада улар Ўзбекистон (14 октябрь), Хитой (18 октябрь) ва Австралия (21 октябрь) ёшлари билан куч синашади. Гуруҳда 1 ва 2 ўринни эгаллаган жамоалар кейинги босқичга, мусобақа яримфиналчилари жаҳон чемпионатига йўлланма олишади.
