Испаниянинг энг кўҳна клубларидан бири «Рекреативо» банкротликдан қутилиб қолди ва кейинги мавсумда Сегунда Б да иштирок этадиган бўлди. Мухлислар клубнинг фаолияти учун зарур бўлган 1,5 млн евро маблағни тўплаб беришди.
«Илтимосимизга жавоб берган ва ёрдам қўлини аямаган барча мухлисларга миннатдорчилик билдирамиз. Сизлар туфайли фаолиятимизни давом эттирамиз ва Сегунда Б да иштирок этамиз», — дейилади «Рекреативо» клуби матбуот хизмати хабарида.
“Рекреативо” клуби 1889 йилда ташкил қилинган бўлиб, Андалусиянинг Уэльва шаҳри шарафини ҳимоя қилади.
