Уэльс терма жамоасининг бош мураббийи Крис Коулман Бельгия (3:1) терма жамоаси устидан қозонилган ғалаба ҳақида ўз фикрларини билдирди.
«Рэмзи, Аллен ва Бэйл каби футболчиларга эга бўлсангиз, у ҳолда ажойиб футбол ўйнашингиз шарт. Футболчилардаги яхши ҳислатларни ола билинг – натижада жамоа ҳам яхши ўйнайди. Англияга қарши ўйиндан бошқа барча ўйинларда ажойиб ўйин намойиш этдик.
Биз ҳам ҳужумкор ўйин намойиш эта олишимизни исботламоқчи эдик. Исботладик. Орзу қилишдан қўрқманг. 4 йил олдин бундай муваффақият ҳатто тушимга ҳам кирмаганди. Мен муваффақиятсизлик гирдобида эдим», — деди Коулман BBC Sport хабарига кўра.
