«ПСЖ» клубининг собиқ ҳужумчиси Златан Иброҳимович, «Манчестер Юнайтед» клубига ўтгач, ўзининг дастлабки интервьюсини бериб, Франция чемпионати обрўсини оширгани ҳақида гапирди.
«Франция чемпионатидан кўп нарсани кутмаган эдим. Лига 1 менинг қобилиятим ва мен иштирок этган клубларнинг даражасига мос чемпионат эмас. Бу ҳақиқат. Мен “ПСЖ” клубига ўтиб, Лига 1 мусобақасининг обрўсини оширишга хизмат қилдим. Бу борада ҳеч ким мендан ўзиб кетолмайди», — деди Иброҳимович Goal хабарига кўра.
Иброҳимович “ПСЖ” таркибида 2012 йилдан буён иштирок этиб, 180 ўйинда 156 гол уришга муваффақ бўлди.
