Хабарингиз бор, ушбу мавсумдан бошлаб "Манчестер Юнайтед" клубига Жозе Моуриньо мураббийлик қилади. Айнан Моур 2014 йилда "Челси" жамоасига мураббий бўлиб келгач, биринчи навбатда Матани трансферга қўйиб, унинг Лондон клубидан кетишига эришганди. Энг қизиғи, ўшанда Мата "Челси"дан кетиб, "Манчестер Юнайтед" клубига келиб қўшилган эди. Моурнинг "қизил иблислар" мураббийлигига келганидан сўнг мухлислра ва ОАВ орасида яна ўша эски муносабатлар ҳақида саволлар кўпая бошлади. Ҳозирча, Моуриньо ҳам, клуб ҳам Матанинг клубда қолиши ёки кетиши ҳақида фикр билдиргани йўқ. Бироқ, мухлисларни ҳамон ўша савол қийнамоқда: "Моур келгач, Матанинг "МЮ"даги ўрни қаерда бўлади?"
Сайтимиз карикатурачи рассоми Жавлон Назаров ҳам, ўзининг янги карикатурасида бўлиб ўтган воқеалардан ҳамда Моур-Мата муносабатларидан келиб чиқиб, янги мавсумда Матанинг "МЮ"даги ўрни ҳақидаги саволга жавоб излашга уриниб кўрди. Карикатурага баҳо бериш сизнинг зиммангизда!
