«Манчестер Сити» клубининг янги бош мураббийи Хосеп Гвардиола жамоа олдига қўйилган вазифалар ҳақида гапириб ўтди.
«Шайх Мансур ҳеч қандай вазифа қўйгани йўқ. Биз уч марта учрашдик ва у ўз фикрларини, таклифларини баён қилди холос. Шайх Абу-Даби шаҳрида, мен Манчестерда яшайман. Аммо биз тез-тез мулоқот қилиб турамиз.
Сен Чемпионлар лигаси ёки премьер-лига ғолиби бўлишинг керак деган гапларни у менга айтмаган. Балки, ўз ишингни қўлингдан келганича яхши бажар, кейин эса кўрамиз деган маънода гапирган.
«Манчестер Сити» Англияда ўзимни намоён қилиш учун имконият берди, ундан миннатдорман. Ўз мақсадимизга эришиш учун бор кучимни ишга солиб меҳнат қиламан», – деди Гвардиола.
