«Манчестер Сити» бош мураббийи Хосеп Гвардиола «Манчестер Юнайтед»га ўтган Жозе Моуриньо билан бўладиган қарама-қаршилик ҳақида гапириб ўтди.
«Моуриньо ғалаба қозонмоқчи, мен ҳам. Биз бир-биримизни жуда яхши биламиз. Англия премьер-лигасида жуда кучли мураббийлар тўпланмоқда, бу яхши. Мен ҳам уларни орасида янги даражага кўтариламан. Қарама-қаршилик мени кучимга куч қўшади.
Кучли мураббийлар кишини бор кучи билан ишлашга мажбур қилади, Чемпионлар лигасида ғолиб чиқиш имкониятини туғдиради. Шундагина, “Барса”, “Реал”, “Бавария” ёки “Манчестер Сити” каби катта клубларда ишлашга лойиқ эканингни тушуниб етасан.
Мавсум қизиқарли ўтса керак. Конте – тактика устаси. У “Челси” учун яхши вариант. У билан рақобат қилиш қизиқарли бўлади. Клаудио Раньери ва Роналд Куман ҳақида ҳам шу гапларни айтиш мумкин. Ким олдинга ўтиб кетишини ҳозирдан айтиш мушкул», – деди каталониялик мутахассис.
