"Арсенал" ижтимоий тармоқларда клуб шаънини ҳақорат қилган мухлисларга стадионга киришни тақиқламоқчи, деб хабар беради Press Association.
Хусусан, “Арсенал” ижтимоий тармоқлардан бирида клубни ҳақорат қилган мухлисга хат жўнатиб, уни “Эмирейтс” стадионига киритилмаслиги ҳақида огоҳлантирган.
Ижтимоий тармоқлардаги ҳақоратларни излаш Klickitout интернет-ресурси орқали амалга оширилади. Бу ресурс футбол соҳасидаги ҳақорат ва асоссиз танқидларни олдини олиш билан шуғулланади.
Стадионга кириш тақиқининг муддати ҳақоратнинг оғир ёки енгиллигига боғлиқ. Клуб ўз шаънига нисбатан қилинган асоссиз ҳақоратларга қараб турмоқчи эмас.