«Реал» клуби Испания футбол федерациясига “Черишев иши” такрорланиб қолмаслиги учун, мамлакат кубоги регламентига ўзгариш киритишни таклиф қилди, деб хабар беради Mundo Deportivo.
Хабарга кўра, Испания кубоги регламентининг 56-моддасига ўзгариш киритилади. Унга кўра, дисквалификациялар фақат бир мусобақа давомида амал қилади ва кейинги мусобақага алоқаси бўлмайди.
Эслатиб ўтамиз, ўтган мавсумда Денис Черишев “Реал” таркибида “Кадис” (3:1) клубига қарши майдонга тушиб, гол урганди. Аммо у аввалги мавсумдаги мусобақада қизил карточка олгани сабабли майдонга тушиш ҳуқуқига эга эмасди. Натижада “Реал” техник мағлубият билан жазоланган эди.
