“Арсенал” клубининг афсонавий футболчиларидан бири Тьери Анри ёшлар жамоасининг куратори лавозимидан кетди, деб хабар бермоқда The Telegraph.

Анри “Арсенал” U-18 бош мураббийи бўлиш истагини билдирган, аммо Арсен Венгер бунга қарши чиққан. Бош мураббий фикрига кўра, Анри бир вақтнинг ўзида мураббий ва телеэксперт бўлиши мумкин эмас. Анри мураббийлик лавозимида бепул ишламоқчи эканини билдирган, Венгер бунга ҳам рози бўлмаган. Шундан сўнг Анри “Арсенал”ни тарк этган.

Арсен Венгернинг бундай қарор қабул қилишига сабаб - Анри томонидан ТВ орқали унинг шаънига ёғдирилаётган доимий танқид бўлиши мумкин деб ҳисоблашмоқда.