«Милан» ҳимоячиси Иньяцио Абате клубнинг янги мавсумдаги имкониятлари тўғрисида ўз фикрларини билдирди.
«Учта омадсиз мавсумдан сўнг ишга киришмоқдамиз. Ҳозир баландпарвоз гапларнинг вақти эмас. Ишлаш керак. Монтелла тўпга эгалик қилишда устунликка эришиш услубини яхши кўради, буни биламиз. Лекин энг муҳими - кайфият. Ҳар бир футболчи мавсумни яхши ўтказиши лозим. Биз бу сафар ҳам еврокубоксиз қолишимизга йўл қўймаймиз. Янги мавсум бошқача кечади деган умиддаман. Биз мушкул вазиятдан чиқиш имкониятини топишимиз керак», – деди футболчи.
