Клублар ўртасидаги Осиё чемпионатига тайёргарлик кўраётган “Олмалиқ” футзал клуби Таиланд терма жамоаси билан ўртоқлик ўйини ўтказди.
Учрашувда биргина Хуршид Умаралиев кичик жароҳати борлиги сабаб иштирок этмади. Ўйин борасида тўхталадиган бўлсак, биринчи таймда ҳужумкор ўйин намойиш этилди, бироқ бу ҳисобда акс этмади. Таиландликлар икки марта қарши ҳужумдан унумли фойдаланишди. Тайм якунида Андрей Шлема ҳисобни қисқартирди. Иккинчи таймда устунлик бироз рақиб томонида бўлди. Улар буни ҳисобда ҳам акс эттира олишди. Якуний ҳисоб - 5:1 мезбонлар ғалаба қозонишди.
